fbpx

Grænland – Narsarsuaq

20. til 23. ágúst 2022

Ferðir okkar til Grænlands í september 2021 gengur með framúrskarandi hætti og allir komu ánægðir til baka.  Ferðarskrifstofa eldri borgara mun því bjóða þessar ferðir til Narsarsuaq sumarið 2022.  Fyrsta ferðin verður farin 20.-23. ágúst.
Flogið verður með Icelandair í beinu flugi til Narsarsuaq eða “stóru sléttunnar” sem áður var ein helsta þungamiðja byggðar í eystribyggð Grænlendinga hinna fornu, enda Brattahlíð, bær Eiríks rauða, rétt hjá. Þar stendur í dag bærinn Quassiarsuk.
Boðið verður upp á 3ja nátta / 4 daga ferð með hálfs- og heildags skoðunarferðum. Gist verður á Hotel Narsarsuaq í tveggja manna herbergjum með sér baðhergi á öllum herbergjum.

20. ágúst: Brottför frá Reykjavíkurflugvelli kl.11:40 og lent í Narsarsuaq kl. 12:00 að staðartíma. Ekið að hótelinu þar sem innritun fer fram.  Kl. 14:00 verður lagt af stað í ferð til Qassiarsuk þar sem áður var bær Eiríks rauða, Brattahlíð. Um 15 mínútur tekur að sigla yfir fjörðinn. Komið aftur á hótel kl.17:00. Kvöldverður á hóteli kl. 19.00.

21. ágúst:  Morgunverður á hóteli og síðan lagt af stað kl. 09:00 í dagsferð til Igaliku, en það er bær með um 50 íbúa og stendur á sama stað og höfuðból og biskupsetur Grænlendinga hinna fornu sem nefnt var Garðar. Siglt er í gegnum Eiríksfjörð frá Narsarsuaq. Hádegissnarl er innifalið í Igaliku. Komið aftur á hótel kl. 17:00. Kvöldverður á (útigrill) í Narsarsuaq með mikilli upplifun.

22. ágúst: Morgunverður á hóteli og síðan lagt af stað kl. 08:30 í dagsferð til Narsaq.  Narsaq er bær með um 1500 íbúa og stendur á tanga sem aðskilur Tunnulliarfik fjörð (Eiríksfjörð) og nyrðri Sermilik-fjörð (Bredefjord). Snæddur er hádegisverður á Hótel Narsaq (innifalinn í verði) og siglt þaðan um kl. 15.00 áleiðis inn Ísfjörðinn sem er ólýsanleg upplifun.  Qooroq jökullinn er í nálægð við Narsarsuaq þar sem ísjakar fljóta um í firðinum Komið aftur á hótel kl. 17:30. Kvöldverður á hóteli kl. 20:00.

23. ágúst: Morgunverður á hóteli. Ekið verður um Narsarsuaq bæinn og minjasafn um veru bandarísku hermannanna frá 1943 skoðað.  Ekið á flugvöll og er brottför Narsarsuaq kl. 12:45 og lent á Reykjavíkurflugvelli kl. 17:10.

Verð kr. 325.000 á mann

Aukagjaldið fyrir eins manns herbergi kr. 37.900.

Innifalið:

  • Flug og flugvallarskattar.
  • Gisting á Hótel Narsarsuaq í tveggja manna herbergi með sér baðherbergi
  • Morgunverður alla daga og 2ja rétta kvöldverður 2 kvöld, útigrill 1 kvöld
  • Allur akstur, dagsferðir og hressing skv. leiðarlýsingu.
  • Íslensk fararstjórn

Verð: Kr. 325.000 á mann m.v. gistingu í tvíbýli.

Skráning fer fram með því að smella á hnappinn hér að neðan.
Við skráningu þarf að greiða 50.000 kr. staðfestingargjald.
Einnig er hægt að hringja til okkar á skrifstofutíma í síma 783-9300 / 783-9301
Ferðin takmarkast við 24 farþega.