Fyrsta ferðin verður 30. september til 11. október

Ferðaskrifstofa eldri borgara mun bjóða upp á sérstakar golfferðir til Costa Blanca n.k. haust í samstarfi við Spánarheimili. Ferðirnar eru einkum ætlaðar eldri borgurum eða þeim sem telja sig tilheyra þeim aldurshópi.

Flogið verður í beinu dagflugi með Icelandair til Alicante og dvalið á Campoamor Golf Resort 4*. Akstur á milli Alicante flugvallar og hótels innifaldar.

Um er að ræða glæsilegt og fallegt hótel við hliðina á hinu konunglega klúbbhúsi á Campoamor golfvellinum. Hótelið er staðsett inni á Campoamor golfsvæðinu en frá hótelinu er um 15-20 mínútna rölt út fyrir golfsvæðið (eða 5 mínútur í leigubíl) þar sem finna má úrval veitingastaða ,bari og aðra þjónustu. Hér má sjá myndir af þessu glæsilega hóteli.

Ekki tekur nema rétt um 10 min að keyra niður á Cabo Roig strandlengjuna. Um 15 min akstur í verslunarmiðstöðina La Zenia Boulevard – sjá nánar hér.

Herbergin á Campoamor hótelinu eru vel innréttuð einbýli og tvíbýli en í tvíbýlum er bæði unnt að gista í herbergi með 2 stökum rúmum eða hjónarúmi. Í hverju herbergi er öryggishólf, loftkæling (sem bæði hitar og kælir), sjónvarp með kapalrásum, frítt Wifi, baðherbergi með sturtur og út frá hverju herbergi eru svalir með góðu útsýni yfir golfvöllinn.

Með gistingu fylgir morgunverður sem er borinn fram í sér veitingasal fyrir golfhópinn. Um er að ræða morgunverðarhlaðborð þar sem lagt er upp úr úrval rétta ásamt ferskleika. Hópurinn hefur og aðgang að útisundlaug hótelsins þar sem eru sólbekkir ásamt aðgangi að tennisvöllum og “Sport Centeri” hótelsins þar sem er líkamsræktarsalur, sauna, heitir pottar o.fl.

Innifalið:

• Flug og flugvallarskattar
• Akstur frá flugvelli að hóteli og til baka
• Gisting á Campoamor í 10 nætur
• Morgunverðarhlaðborð með öllu því ferskasta sem Spánn býður uppá
• 1 kvöldverður með 3ja rétta máltíð ásamt léttvíni þar sem Laddi mætir og skemmtir gestum
• 3 golfhringir – 18 holur á Campoamour
• Frítt í 9 holur á Campoamour eftir kl 15:00 á daginn
• 1 golfhringur á Las Ramblas
• 1 golfhringur á besta golfvelli Spánar 2019, Las Colinas
• 1 golfhringur á Villa Martin
• 1 golfhringur á Vistabella
• Golfbílar m.v. 2 notendur alla hringina
• Allt skutl á milli golfvalla og hotels innifalið

Hámarksfjöldi er 36 þátttakendur – 9 holl. Rástímar verða skipulagðir af Spánarheimili og staðfestir með góðum fyrirvara. Spánarheimili aðstoðar einnig við að útvega bílaleigubíla fyrir þá sem þess óska.

Skráning fer fram hjá Ferðaskrifstofu eldri borgara með því að senda nafn, kennitölu og símanúmer á netfangið hotel@hotelbokanir.is.

Við skráningu þarf að greiða 50.000 kr. Staðfestingargjald og lokagreiðslu fyrir 3. ágúst. Hægt er að greiða með millifærslu eða kreditkortum.
Allar nánari upplýsingar eru veittar hjá Ferðaskrifstofu eldri borgara frá kl. 9-18 daglega í símum 783-9300 og 783-9301.

Hér má sjá myndir af Campoamor golfsvæðinu